Dallas Mavericks @ Phoenix Suns Tips - Suns babawi sa Game 7

Sa pangunguna ni Luka Doncic ay tinambakan ng Mavericks ang Suns 113-86 sa American Airlines Center para magpuwersa ng do-or-die game sa serye.

Nagtapos ang Slovenian superstar ng 33 puntos, 11 rebounds at 8 assists para tulungan ang kanyang koponan na makabalik sa serye matapos nilang matalo sa Phoenix 110-80 noong Game 5.

Nakakuha si Doncic ng suporta kina Reggie Bullock (19 puntos, 7 rebounds), Jalen Brunson (18 puntos) at back-up guard Spencer Dinwiddie (15 puntos).

Nagtala si Deandre Ayton ng 21 puntos at 11 rebounds para pangunahan ang Suns. Nagdagdag si Devin Booker ng 19 puntos at 8 rebounds habang nagtala si Chris Paul ng 13 puntos.

Dikit ang laban sa first quarter bago magpakawala ang Mavericks ng 19-5 run para makakuha ng 60-45 kalamangan sa half-time. Tuluyan ng dimonina ng panig ni Jason Kidd ang second half para buhayan ang kanilang tsansang maka-abante sa susunod na round ng post-season.

Yun nga lang ay hindi pa nananalo ang Mavericks sa Phoenix sa seryeng ito. Nakalasap sila ng 121-114 pagkatalo sa Game 1 bago muling nabigo 129-109 sa Game 2. Tinambakan din sila ng Suns sa Game 5. 

Determinadong muling magpakitang gilas si Doncic, na nag-aaverage ng 31.1 puntos sa play-offs. Nakapagtala rin siya ng double-double sa huling apat na laro sa serye. Umiskor ang All-Star guard ng 45 puntos noong Game 1 na sinundan naman niya ng 35 puntos sa Game 2.

Umaasa naman si Suns head coach ng mas magandang laro kay Booker matapos niyang malimitahan sa 6-of-17 shooting sa kanilang nakaraang laro at bigong magbuslo ng three-pointer. Hirap naman si Paul na umiskor sa kanilang huling apat na laro matapos niyang magtala ng 28 puntos noong Game 2.