Chelsea vs Tottenham Tips - Blues magwawagi kontra Spurs

Ito na ang pang-apat na paghaharap ng dalawang koponan ngayong season. 

Nagtala ng 3-0 na panalo ang Chelsea sa Tottenham sa kanilang unang pagkikita sa Premier League noong Seytembre. Naka-goal para sa Blues sina Thiago Silva, N'Golo Kante at Antonio Rudiger.

Muling tinalo ng Chelsea ang Tottenham 2-0 sa first leg ng Carabao Cup noong Enero 5. Binigyan ng maagang kalamangan ni Kai Havertz ang Blues bago naka own goal si Ben Davies. Nagtala naman ang Chelsa ng 1-0 na panalo sa second leg kung saan muling nakabuslo si Rudiger.

Bigong makakuha ng panalo ang panig ni Thomas Tuchel sa kanilang huling dalawang laro sa Premier League kung saan natalo sila sa Manchester City (1-0) at nagtabla sa Brighton (1-1). 

Dahil dito ay bumagsak sila sa ikatlong pwesto na may 44 puntos mula sa 23 laro.

Sina Trevoh Chalobah, Andreas Christensen, Reece James at Ben Chilwell ang mga nasa injury list ng Chelsea. Naglalaro naman sa Africa Cup of Nations si Edouard Mendy.

Nais namang palawigin ng Tottenham ang kanilang nine-match unbeaten streak sa Premier League kung saan nagtala sila ng anim na panalo at tatlong draw.

Nanalo ang Spurs 3-2 sa Leicester City sa kanilang huling laban. 

Nakadalawang goal si Steven Bergwijn sa injury time habang nagbuslo rin si Harry Kane para sa panig ni Antonio Conte, na umangat naman sa ikalimang pwesto na may 36 puntos mula sa 19 na laro.

Sina Cristian Romero, Eric Dier at Son Heung-min Son ang hindi magtatampok para sa Spurs dahil sa injury o karamdaman.