Real Madrid vs Elche Tips - Los Blancos mananalo

Huling nagkita ang dalawang panig sa Copa del Rey noong Huwebes kung saan nagtala ang Los Blancos ng 2-1 na panalo sa extra time. Binigyan ni Gonzalo Verdú ng kalamangan ang Elche sa ika-103 minuto bago gumanti ng mga goal sina Isco at Eden Hazard para ipanalo ang Los Blancos.

Tinalo rin ng Real Madrid ang Elche 2-1 sa kanilang unang pagkikita sa La Liga noong Oktubre. 

Nakabuslo ng dalawang beses si Vinícius Júnior para bigyan ng 2-0 na kalamangan ang Los Blancos bago gumanti si Pere Milla para sa Elche.

Nanalo ang Real Madrid sa kanilang huling limang laro sa lahat ng mga kompetisyon.

Tinalo nila ang Valencia 4-1 sa kanilang huling laro sa La Liga para patuloy na manguna sa table na may 49 puntos mula sa 21 laro.

Kapwa naka-dalawang goal sina Karim Benzema at Vinícius Júnior sa naturang laro. 

Hindi naman magagamit ni Real Madrid boss Carlo Ancelotti sina Marco Asensio, Mariano Díaz at Jesús Vallejo sa larong ito dahil sa injury.

Target naman ng Elche na palawigin ang kanilang winning streak sa La Liga matapos nilang talunin ang Espanyol (2-1) at Villareal (1-0). Kasalukuyang nasa ika-15 pwesto ang panig ni Francisco Rodríguez na may 22 puntos mula sa 21 laro.