Atalanta vs Villarreal Tips - Magwawagi ang mga host

Nasa ikalawang pwesto ang Villarreal na may pitong puntos habang nasa ikatlong pwesto naman ang Atalanta na may anim na puntos. Una ng nakuha ng Manchester United ang unang pwesto sa grupo. Nasa panghuling pwesto naman ang Young Boys na may apat na puntos at maaari pang umabante ang Swiss champions sa Europa League.

Nagresulta sa isang 2-2 draw ang laban ng Atalanta at Villarreal noong Setyembre. Naka-goal para sa Villarreal sina Manu Trigueros at Arnaut Danjuma habang nagbuslo naman para sa Atalanta sina Remo Freuler at Robin Gosens.

Nagtala ang Atalanta ng mga draw laban sa Manchester United (2-2) at Young Boys (3-3) sa kanilang huling dalawang laro sa Champions League. 

Nagtala naman ang Bergamo club ng mga panalo kontra Juventus (1-0), Venezia (4-0) at Napoli (3-2) sa Italian Serie A sa kanilang huling tatlong laro. 

Hindi natalo ang panig ni Gian Piero Gasperini sa kanilang huling 10 laro sa lahat ng mga kompetisyon.

Hindi naman makakalaro sina Gosens at Matteo Lovato dito dahil sa injury.

Nais namang makabawi ng Villarreal matapos nilang makalasap ng 2-0 na pagkatalo sa Manchester United sa nakaraang round. 

Nasundan naman ito ng mga pagkatalo sa Barcelona (3-1) at Sevilla (1-0) sa La Liga. Tanging ang 8-0 na tagumpay laban sa Victoria CF sa Copa del Rey ang naipanalo ng Yellow Submarine sa kanilang huling apat na laro sa lahat ng mga kompetisyon.

Hindi sigurado kung makakalaro si Arnaut Danjuma para sa panig ni Unai Emery habang suspendido naman si Yeremi Pino.