Juventus vs Malmo Tips - Win to nil para sa Old Lady

Sigurado na ang Juventus na aabante sa last 16 ngunit maaari nilang maungusan ang Chelsea sa top spot. Parehong may 12 puntos ang dalawang koponan at lamang ang Blues sa head-to-head goal difference.

Nakalasap ang Juventus ng 4-0 na pagkatalo sa Chelsea sa kanilang huling laro sa Champions League. Ito ang unang pagkabigo ng panig ni Massimiliano Allegri sa kompetisyong ito. 

Nasundan ito ng 1-0 na pagkatalo kontra Atalanta sa Italian Serie A bago nakabawi ang Old Lady laban sa Salernitana (2-0) at Genoa (2-0).

May mga injury sina Weston McKennie, Federico Chiesa, Aaron Ramsey, Danilo at Mattia De Sciglio at hindi sila maglalaro para sa Juventus. Wala rin si Mattia Perrin matapos niyang magppositibo sa Covid-19.

Wala ng pag-asa ang Malmo na makausad sa last 16 o makalahok sa Europa League at hangad lang nila na tapusin ang kanilang kampanya sa positibong paraan.

Nagtala ang Swedish champions ng 1-1 draw laban sa Zenit Saint Petersburg sa kanilang huling laro sa kompetisyong ito. Binigyan ni Sören Riek ng kalamangan ang Malmo sa first half ngunit nagsuko sila ng penalty kay Yaroslav Rakitskiy sa injury time.

Naglista naman ang panig ni Jon Dahl Tomasson ng 0-0 draw laban sa Halmstad sa Allsvenskan sa kanilang huling laro.

Hindi naman kasama sina Jonas Knudsen, Ola Toivonen at Felix Beijmo sa kanilang biyahe sa Turin dahil sa injury.

Nagtala ang Juventus ng 3-0 na panalo sa Malmo noong Setyembre sa likod ng mga goal nina Alex Sandro, Alvaro Morata at Paulo Dybala.