Colorado Avalanche @ St Louis Blues Tips - Avalanche tatapusin na ang serye

Nabigo ang top-seeded Avalanche sa kanilang hangarin noong Miyerkules matapos nilang makalasap ng 5-4 na pagkatalo sa Blues sa overtime sa Ball Arena sa Denver.

Sa tulong nina Nick Leddy at Ivan Barbashev ay naipasok ni Tyler Bozak ang isang slap shot 3:38 sa overtime para buhayin pa ang tsansa nilang maka-abante sa play-offs.

Masaklap ang pagkatalong ito para sa Colorado, na lumamang ng dalawang goal matapos ang first period sa likod ng mga goal ni Nathan MacKinnon.

Binigyan ng 3-0 kalamangan ni Gabriel Landeskog ang Colorado matapos niyang maka tip-in 4:02 sa second period. Gumanti si Vladimir Tarasenko para sa Blues sa 14:42.

Muling naka-goal ang St Louis sa 9:57 mark ng third quarter galing kay Robert Thomas bago tinabla ni Justin Faulk ang laro sa pagbuslo ng isang wrist shot. 

Binawi ng Avalanche ang kanilang kalamangan sa 17:14 matapos muling maka-goal si MacKinnon ngunit nakaganti si Thomas bago matapos ang regulation para magpuwersa ng overtime.

Nasayang ang 3 goals at 1 assist ni MacKinnon, na determinadong muling magpakitang gilas sa Game 6 at pangunahan ang Avalanche sa Western Conference finals sa unang pagkakataon mula noong 2002.

Nanalo ang Avalanche sa Enterprise Center noong Game 3 (5-2) at Game 4 (6-3) kaya kumpiyansa si Colorado coach Jared Bednar na mauulit nila ito dito para tuluyan ng tapusin ang serye.

Muling pangungunahan ang Avalanche nina MacKinnon at Cale Makar, na kapwa may 13 puntos ngayong post-season.

Determinado namang magpuwersa ng Game 7 ang Blues pabalik sa Denver, kung saan nila nakuha ang kanilang dalawang panalo sa seryeng ito. 

Dalawang beses nang nagawa ng Blues na makabalik sa 3-1 deficit at manalo sa best-of-seven series. Una nila itong ginawa kontra sa Detroit Red Wings noong 1991 at naulit ito laban sa Phoenix Coyotes noong 1999.