Boston Celtics @ Miami Heat Tips - Celtics magwawagi sa Game 7

Nagpuwersa ang Heat ng deciding Game 7 pabalik sa kanilang bahay matapos nilang magtala ng 111-103 panalo sa Boston noong Biyernes. 

Umiskor si Jimmy Butler ng career play-off high 47 puntos para pangunahan ang Miami sa do-or-die game. Nagtala rin ang veteran guard ng 9 rebounds, 8 assists at 4 steals. 

Nagdagdag si Kyle Lowry ng 18 puntos at 10 assists habang nag-ambag ng 13 puntos si Max Strus. Nagparamdam din si PJ Tucker sa kanyang 11 puntos habang nakakuha ng 9 rebounds si Bam Adebayo. 

Si Jayson Tatum ang nanguna para sa Celtics matapos niyang magtala ng 30 puntos at 9 rebounds. Naglista si Derrick White ng 22 puntos mula sa bench habang nagtapos si Jaylen Brown ng 20 puntos. Nagdagdag ng 14 puntos si Marcus Smart habang umiskor si Robert Williams ng 12 puntos. Nalimitahan si Al Horford sa 3 puntos ngunit nakakuha siya ng 9 rebounds at 5 assists. 

Nagpasiklab si Butler sa Game 6 matapos niyang malimitahan sa huling tatlong laro ng serye kung saan umiskor lamang siya ng 27 puntos sa pang kalahatan. Matatandaang umiskor si Butler ng 41 puntos sa Game 1 at 32 puntos sa Game 2 ng seryeng ito.

Aasahan ni Miami head coach Erik Spoelstra na muling mag-init si Butler sa Game 7 at pangunahan ang Heat sa kanilang unang NBA finals series mula noong 2020 kung saan natalo sila sa Los Angeles Lakers. 

Muling hindi nakalaro si Tyler Herro para sa Heat noong Game 6 dahil sa groin injury. Inaalam pa ang kaniyang kalagayan para sa Game 7.

Hangad naman ng Celtics na makarating sa NBA finals sa unang pagkakataon mula noong 2010 kung saan tinalo rin sila ng Lakers.

Muling pangungunahan ni Tatum ang Celtics sa do-or-die game na ito. Nag-average ang All-Star forward ng 27.7 puntos kada laro sa kanilang huling tatlong laro matapos malimitahan sa 10 puntos noong Game 3. 

Ito ang ikalawang sunod na serye na maglalaro sa isang Game 7 ang Celtics, na kinailangan din ng pitong laro para malusutan ang defending champions Milwaukee Bucks sa conference semi-finals. 

Magtatampok naman ang Heat sa kanilang unang Game 7 mula noong 2016 kung saan natalo sila sa Toronto Raptors sa conference semi-finals. 

Ang mananalo sa larong ito ay makakalaban ang Golden State Warriors sa NBA finals. Una nang naka-abante ang Warriors matapos nilang talunin ang Dallas Mavericks sa Western Conference finals.