Brighton vs West Ham United Tips - Asahan na ang isang draw

Kasalukuyang nasa ika-10 puwesto ang Brighton na may 48 puntos mula sa 37 laro. Hindi natalo ang Seagulls sa kanilang huling apat na laro kung saan nagtala sila ng dalawang panalo at dalawang draw. Naglista ng 1-1 draw ang Brighton sa Leeds United sa kanilang huling laro. Binigyan ni Danny Welbeck ng kalamangan ang Seagulls sa second half ngunit nagsuko sila ng goal kay Pascal Struijk sa injury time.

Muling pangungunahan nina Neal Maupay at Leandro Trossardang pag-atake ng Brighton. Kapwa may 8 goals ang dalawang manlalaro sa Premier League ngayong season.

Hindi naman magagamit ni Brighton manager Graham Potter sina Jakub Moder, Jeremy Sarmiento, Tudor Baluta at Enock Mwepu sa larong ito dahil sa injury.

Target din ng West Ham na tapusin ang season sa isang tagumpay matapos nilang magtala ng 2-2 draw kontra league leaders Manchester City sa kanilang huling laro.

Lumamang ang Hammers 2-0 matapos maka-goal ng dalawang beses ni Jarrod Bowen sa first half. Ngunit nagkasya lamang sila sa isang draw matapos magbuslo ni Jack Grealish at maka own goal si Vladimir Coufal.

May 12 goals si Bowen ngayong season at pangungunahan nila ni Michail Antonio ang Hammers sa labang ito. Hindi naman maglalaro si Angelo Ogbonna para sa panig ni David Moyes dahil sa injury.

Nauwi sa draw ang huling anim na pagkikita ng Brighton at West Ham. Nagresulta sa isang 1-1 draw ang kanilang unang paghaharap ngayong season noong Disyembre kung saan nagpalitan ng mga goal sina Tomas Soucek at Maupay.