Chelsea vs Manchester United Tips - Blues magtatagumpay

Pinalawig ng Chelsea ang kanilang unbeaten streak sa liga sa anim na laro matapos nilang magtala ng 3-0 na tagumpay sa Leicester City noong nakaraang linggo. Naka-goal para sa Blues sina Antonio Rudiger, N'Golo Kante at Christian Pulisic. Nananatiling nasa tuktok ng liga ang Chelsea na may 29 puntos mula sa 12 laro.

Muling nagwagi ang Blues laban sa Juventus 4-0 sa Champions League noong Martes. Sina Trevoh Chalobah, Reece James, Callum Hudson-Odoi at Timo Werner naman ang nagbida para masigurado ang pagpasok ng Chelsea sa last 16 ng kumpetisyon.


Ito ang ika-siyam na panalo ng panig ni Thomas Tuchel sa kanilang huling 10 laro sa lahat ng mga kumpetisyon. 

Si James ang nangungunang scorer ng Chelsea na may apat na goal sa Premier League ngayong season. 

Hindi naman siguradong magtatampok sina Kante at Ben Chilwell dito matapos nilang masaktan laban sa Juventus. Hindi rin sigurado si Kai Havertz habang wala pa rin si Mateo Kovacic.

Patuloy naman ang pagbulusok ng Manchester United sa Premier League kung saan nakalasap sila ng limang talo sa kanilang huling pitong laro.

Natalo sila sa Watford 4-1 noong nakaraang linggo. Tanging si Donny van de Beek ang naka-goal para sa Red Devils, na bumagsak sa ikawalong pwesto na may 17 puntos mula sa 12 laro. Nasibak naman si Man U manager Ole Gunnar Solskjaer pagkatapos ng kabiguang iyon at pansamantala siyang pinalitan ni Michael Carrick.

Binigyan ng Red Devils ng unang panalo si Carrick matapos nilang maglista ng 2-0 na tagumpay sa Villareal noong Martes para maka-abante sa last 16 ng Champions League. Sina Cristiano Ronaldo at Jadon Sancho ang naka-goal para sa Man United.

Nakakuha si Harry Maguire ng red card laban sa Watford kaya hindi siya magtatampok dito. Hindi naman sigurado si Luke Shaw habang wala pa rin sina Mason Greenwood, Paul Pogba, Edinson Cavani at Raphael Varane.

Nagresulta sa 0-0 draw ang huling dalawang sagupaan ng Chelsea at Man United.