Chelsea vs Wolverhampton Tips - Blues babawi kontra Wolves

Natalo ang Blues 1-0 sa Everton noong nakaraang round. Bago nito ay nagtala sila ng 1-1 draw sa Manchester United.

Isang beses lang nanalo ang Chelsea sa kanilang huling apat na laro sa Premier League kung saan kasalukuyan silang nasa ikatlong puwesto na may 66 puntos mula sa 34 laro.

Umaasa si Chelsea boss Thomas Tuchel ng mas magandang laro kina Mason Mount, Kai Havertz at Jorginho. May 10 goals si Mount sa Premier League ngayong season habang may 7 goals si Havertz.  

Hindi naman magagamit ni Tuchel sina N'Golo Kante at Ben Chilwell sa larong ito dahil sa injury.

Natalo naman ang Wolverhampton sa kanilang huling tatlong laro para manatiling nasa ikawalong puwesto sa liga na may 49 puntos mula sa 34 laro.

Nakalasap ang Wolves ng mga kabiguan kontra Newcastle United (1-0), Burnley (1-0) at Brighton (3-0). 

Sina Raul Jimenez at Hwang Chee-chan ang mangunguna sa pag-atake ng Wolves sa labang ito. May 6 goals si Jimenez ngayong season habang may 5 goals si Hwang.

Sina Ruben Neves, Max Kilman, Daniel Podence at Matija Sarkic ang mga nasa injury list ng Wolverhampton. 

Nauwi sa mga 0-0 draw ang huling dalawang pagkikita ng Chelsea at Wolverhampton.