Leicester vs Manchester United Tips - Draw inaasahan

Hindi maganda ang rekord ng Red Devils laban sa Leicester kaya inaasahan ko na mauwi ang larong ito sa isang draw.

Ang Leicester ay bigong makakuha ng panalo sa kanilang huling tatlong laban sa lahat ng kumpetisyon. Nagtala ang Foxes ng 2-2 draw laban sa Burnley at Crystal Palace at natalo 1-0 kontra sa Legia Warszawa sa Europa League.

Ang mga goals nina Kelechi Iheanacho at Jamie Vardy ay nagbigay sa Leicester ng 2-0 na kalamangan laban sa Crystal Palace ngunit nagsuko sila ng dalawang goal sa pangalawang bahagi ng laro. Kasalukuyang nasa ika-13 pwesto ang koponan na may walong puntos sa pitong laro.

Ang kaisa-isang panalo ng Leicester sa kanilang huling pitong laro sa lahat ng kumpetisyon ay ang kanilang 2-0 na tagumpay laban sa Championship side Millwall sa Carabao Cup (League Cup).

Ang centre back na si Jonny Evans ay inaasahang maglalaro na muli matapos gumaling ang kanyang injury sa paa. Hindi naman maglalaro ang defenders na sina James Justin at Wesley Fofana at midfielder na si Wilfred Ndidi.

Ang Man United ay walang panalo sa kanilang huling dalawang laban sa Premier League. Ang panig ni Ole Gunnar Solskjaer ay nabigo laban sa Aston Villa (1-0) at nagtala naman ng draw kontra sa Everton (1-1).

Binigyan ng kalamangan ni Anthony Martial ang United laban sa Everton bago sila nag-concede ng goal sa second half.  Ang Man United ay kasalukyang may 14 na puntos sa table.

Maaring makapaglaro sina winger Amad Diallo at striker na si Marcus Rashford laban sa Leicester. Hindi naman sigurado ang defender na si Harry Maguire habang wala naman si Raphael Varane.

Nagwagi ang Leicester sa kanilang huling dalawang laban kontra sa Man United.