Liverpool vs Arsenal Tips - Reds magwawagi

Tinalo ng Gunners ang Watford 1-0 bago ang international break. Naka-goal si Emile Smith Rowe sa naturang laro at umangat ang Arsenal sa ikalimang pwesto sa liga na may 20 puntos mula sa 11 laro. 

Hindi natalo ang panig ni Mikel Arteta sa kanilang huling 10 laro sa lahat ng mga kumpetisyon kung saan nagtala sila ng walong panalo at dalawang draw.

Pangungunahan nina Smith Rowe at Pierre-Emerick Aubameyang ang pag-atake ng Gunners.

Hindi siguradong maglalaro si Pablo Mari Villar habang nananatiling wala sina Sead Kolasinac, Thomas Partey at Granit Xhaka para sa Arsenal.

Bumagsak naman sa ika-apat na pwesto ang Liverpool na may 22 puntos matapos nilang magtala ng draw at talo sa kanilang huling dalawang laro sa Premier League.

Natalo ang Reds sa West Ham United 3-2 sa kanilang huling laro na nagtapos sa kanilang 25-game unbeaten streak sa lahat ng mga kumpetisyon. 

Sina Alexander-Arnold and Divock Origi ang mga naka-goal para sa Liverpool laban sa Hammers.

Inaasahang manguna para sa Liverpool si Mohamed Salah, ang nangungunang scorer ng liga na may 10 goal.

Nasaktan si Sadio Mané habang naglalaro para sa Senegal sa World Cup qualifiers at hindi siya siguradong magtatampok dito. Hindi rin sigurado sina Andrew Robertson at Jordan Henderson. 

Hindi naman magagamit ni Liverpool boss Jürgen Klopp sina Roberto Firmino, Curtis Jones, Naby Keita, James Milner at Harvey Elliot.

Huling nagkita ang Arsenal at Liverpool noong Abril kung saan nagtala ang Reds ng 3-0 na tagumpay sa Emirates Stadium. Nakadalawang goal si Diogo Jota habang nagdagdag si Salah ng isa.