Watford vs Manchester United Tips - Red Devils babawi dito

Nakalasap ng 2-0 na pagkatalo ang Red Devils sa Manchester City bago ang international break. Kasalukuyang nasa ika-anim na pwesto ang Man United sa liga na may 17 puntos mula sa 11 laro. 

Inaasahang manguna sina Cristiano Ronaldo, Bruno Fernandes at Mason Greenwood sa kanilang hangarin na makuha ang kanilang ikatlong sunod na panalo laban sa Watford sa lahat ng mga kumpetisyon.

Hindi sigurado sina Luke Shaw at Edinson Cavani na maglalaro sa panig ni Ole Gunnar Solskaer habang wala naman sina Paul Pogba, Scott McTominay at Raphael Varane.

Isang beses lang nanalo ang Watford sa kanilang huling pitong laro at kasalukuyan silang nasa ika-17 pwesto na may 10 puntos.

Natalo ang panig ni Claudio Ranieri sa Arsenal 1-0 sa kanilang huling laro. Sina Ismaila Sarr, Joshua King at Emmanuel Dennis ang mangunguna sa Hornets, na huling tinalo ang Man United noong 2019.

Suspendido si Juraj Kucka habang may mga injury naman sina Kwadwo Baah, Ken Sema, Christian Kabasele at Oghenekaro Etebo.

Huling nagkita ang Man United at Watford sa FA Cup noong Enero kung saan nagtala ng 1-0 na panalo ang Red Devils.