Watford vs Norwich City Tips - Hornets magwawagi

Bigong manalo ang Watford sa kanilang huling walong laro sa lahat ng mga kompetisyon. Nagtala sila ng 1-1 draw sa Newcastle United sa kanilang huling laro. Tinabla ni João Pedro sa ika-87 minuto para makuha ang tabla para sa Hornets, na kasalukuyang nasa ika-17 pwesto sa liga na may 14 puntos mula sa 19 na laro.

Hindi natuloy ang laban ng Watford kontra Burnley noong Martes dahil tinamaan ng Covid-19 ang ilang manlalaro ng Clarets. 

Hindi magagmit ni Watford boss Claudio Ranieri sina Nicolas Nkoulou, Kwadwo Baah, Peter Etebo at Ismaïla Sarr sa larong it dahil sa injury habang naglalaro naman sa Africa Cup of Nations sina Imran Louza at Adam Masina.

Tinalo naman ng Norwich City ang Everton 2-1 sa kanilang huling laro para umangat sa ika-18 pwesto sa liga na may 13 puntos mula sa 21 laro.

Nagbuslo si Adam Idah dalawang minuto pagkatapos maka own goal si Michael Keane sa ika-16 na minuto at naging sapat na ito para putulin ng Canaries ang kanilang six-match losing streak. 

Sina Mathias Normann at Billy Gilmour ang mga nasa injury list ni Norwich City manager Dean Smith.

Nagtala ang Watford ng 3-1 na panalo sa Norwich City noong Setyembre. Naka-dalawang goal si Sarr habang nagdagdag ng isa pa si Emmanuel Dennis para pangunahan ang Hornets sa kanilang ikalimang sunod na panalo kontra sa Canaries. Tanging si Teemu Pukki ang nakabuslo para sa Norwich, na huling nanalo sa serye noon pang 2016.