Bochum vs Arminia Bielefeld Tips - Bochum inaasahang magwagi

Nakakahinga na nang maluwag ang Bochum matapos nilang manalo sa Dortmund 4-3 noong nakaraang round para masigurado ang kanilang puwesto sa Bundesliga sa susunod na season. 

Nakakuha ng maagang 2-0 na kalamangan ang panig ni Thomas Reis matapos maka-goal nina Sebastian Polter at Gerrit Holtmann sa unang walong minuto ng laro. 

Ngunit gumanti ng tatlong goal si Erling Haaland para ibigay ang kalamangan para sa mga hosts. Muling tinabla ni Jurgen Locadia ang laro sa ika-81 minuto bago sinelyohan ni Milos Pantovic ang una nilang panalo sa Signal Iduna Park mula noong 1998. 

Kasalukuyang nasa ika-12 puwesto ang Bochum sa liga na may 39 puntos mula sa 32 laro. 

May siyam na goal si Sebastian Polter sa Bundesliga ngayong season at siya ang mangunguna sa pag-atake ng Bochum.

Suspendido naman si Konstantinos Stafylidis sa larong ito habang may hip injury si Danilo Soares.

Nananatili namang nasa relegation zone ang Arminia Bielefeld at kailangan nilang manalo sa kanilang huling dalawang laro para magkaroon pa sila ng tsansa sa play-off at hindi automatikong malalaglag sa 2.Bundesliga sa susunod na season. 

Kasalukuyang nasa ika-17 puwesto ang Die Arminen na may 27 puntos mula sa 32 laro. Nagtala sila ng 1-1 draw kontra Hertha Berlin sa kanilang nakaraang laro.

Umiskor si Joakim Nilsson sa injury time para magpwersa ng tabla na pumutol sa kanilang three-match losing streak. Ngunit bigong manalo ang panig ni Frank Kramer sa kanilang huling siyam na laro. 

Sina Masaya Okugawa at Patrick Wimmer at mangunguna sa Bielefeld.

Hindi naman magtatampok sina Fabian Klos at Cedric Brunner, na parehong may injury sa ulo.

Tinalo ng Arminia Bielefeld ang Bochum 2-0 sa SchücoArena noong Disyembre. Ang second-half goals nina Okugawa at Wimmer ang nagbigay ng ikalawang sunod na panalo ng Bielefeld sa serye.