Union Berlin vs Cologne Tips - Union magwawagi

Bigong manalo ang Eisernen sa kanilang huling tatlong laro para bumagsak sa ika-siyam na puwesto na may 38 puntos mula sa 27 laro. Nakalasap sila ng 4-0 na pagkatalo sa Bayern Munich noong nakaraang round. Bago ang kabiguang iyon ay natalo ang Union Berlin sa Wolfsburg (1-0) at nag-draw kontra Stuttgart (1-1).

Pangungunahan ni Taiwo Awoniyi ang Union Berlin sa larong ito. May 11 goal ang Nigerian international sa Bundesliga ngayong season. 

Hindi naman maglalaro sina Christopher Trimmel at Levin Oztunali para sa panig ni Urs Fischer matapos nilang magpositibo sa Covid-19. 

Nag-draw naman ang Cologne kontra Borussia Dortmund 1-1 sa kanilang huling laban. Maagang nagsuko ng goal ang Billy Goats bago tinabla ni Sebastian Andersson ang laro bago mag half-time.

Kasalukuyang nasa ikapitong puwesto ang panig ni Steffen Baumgart na may 40 puntos mula sa 27 laro.

May 15 goal si Anthony Modeste sa Bundesliga ngayong season at muli niyang pangungunahan ang pag-atake ng Cologne sa larong ito. 

Suspendido naman si Ondrej Duda habang may mga injury o karamdaman sina Benno Schmitz, Ellyes Skhiri, Florian Kainz, Jonas Hector at Louis Schaub.

Nauwi sa isang 2-2 draw ang laban ng Union Berlin at Cologne sa RheinEnergieStadion noong Nobyembre. Nakadalawang goal si Anthony Modeste para sa Cologne habang sina Julian Ryerson at Grischa Prömel ang umiskor para sa Union Berlin.