Inter Milan vs Empoli Tips - Panalo para sa Inter

Kasalukuyang nasa pangalawang puwesto ang Nerazzurri sa liga na may 75 puntos mula sa 35 laro. Nangunguna pa rin ang AC Milan na may 77 puntos at tatlong laro na lamang ang natitira ngayong season.

Kagagaling ng Milan sa isang 2-1 panalo sa Udinese. Naging sapat na ang mga first-half goals nina Ivan Perisic at Lautaro Martínez para makuha ng panig ni Simone Inzaghi ang kanilang ika-anim na panalo sa kanilang huling pitong laro sa lahat ng mga kompetisyon. 

May 17 goal si Martinez sa Serie A ngayong season at siya ang mangunguna sa pag-atake ng Inter. Aasahan din ni Inzaghi sina Edin Dzeko, Hakan Calhanoglu at Perisic sa labang ito.

Hindi naman makakalaro sina Nicolo Barella at Alessandro Bastoni dahil sa injury.

Nasa ika-14 puwesto naman ang Empoli na may 37 puntos mula sa 35 laban. Nasigurado na rin ng panig ni Aurelio Andreazzoli ang kanilang puwesto sa Serie A sa susunod na season.  

Determinadong makabawi ang Empoli matapos nilang makalasap ng 3-1 na kabiguan kontra Torino noong nakaraang round.

Binigyan ni Szymon Zurkowski ng kalamangan ang Azzurri sa ika-56 minuto bago sila nagsuko ng tatlong goal kay Andrea Belotti sa huling 12 minuto ng laro pati sa injury time.

Si Andrea Pinamonti ang nangungunang scorer ng Empoli na may 12 goals ngayong season. Makakatulong niya sina Zurkowski, Nedim Bajrami at Federico Di Francesco.

May mga injury sina Emmanuel Ekong, Riccardo Marchizza, Nicolas Haas at Lorenzo Tonelli para sa Empoli habang suspendido naman si Petar Stojanovic.

Tinalo ng Inter ang Empoli 2-0 sa Carlo Castellani Stadium noong Oktubre sa kanilang unang pagkikta sa Serie A ngayong season. Ang header ni Danilo D'Ambrosio at goal ni Federico Dimarco ang nagbigay ng panalo para sa Nerazzurri.

Muling nagtagpo ang dalawang panig sa Round of 16 ng Coppa Italia noong Enero kung saan muling nagwagi ang Inter 3-2 sa extra time. Si Stefano Sensi ang nagselyo ng panalo matapos niyang makabuslo sa ika-104 minuto. Bago nito ay tinabla ni Andrea Ranocchia ang laban sa huling minuto ng laro. 

Unang nakalamang ang Milan matapos umiskor ni Alexis Sanchez sa ika-13 minuto. Tinabla naman ni Nedim Bajrami ang laro sa ika-61 minuto bago lumamang ang Empoli sa ika-76 minuto matapos maka own goal si Ionut Radu. 

Nanalo ang Inter sa kanilang huling siyam na laro kontra Empoli, na huling nanalo sa serye noon pang 2006.