Napoli vs Legia Warsaw Tips - Napoli magwawagi at parehong koponan iiskor

Inumpisahan ng panig ni Czeslaw Michniewicz ang kanilang kampanya sa Group C sa isang 1-0 na panalo sa bahay ng Spartak Moscow. Sunod naman nilang tinalo ang Leicester City 1-0.

Bagama’t maganda ang kanilang panimula sa Europa League, hirap naman ang Legia Warsaw sa Ekstraklasa kung saan natalo sila ng tatlong sunod at lima sa kanilang anim na laro.

Kagagaling ng koponan sa isang 1-0 na kabiguan sa Lech Poznan. 

Muling hindi makakalaro si Bartosz Kapustka habang may iniinda namang injury sa likod ang goalkeeper na si Artur Boruc.

Nagtabla naman ang Napoli sa Leicester City 2-2 sa kanilang unang laro sa Europa League bago natalo sa Spartak Moscow 3-2.

Bumawi naman ang panig ni Luciano Spalletti sa Italian Serie A kung saan sila nagtala ng mga panalo kontra sa Fiorentina (2-1) at Torino (1-0). 

Nanalo ang Napoli ng walong sunod sa Serie A. Muling pangungunahan ni Victor Osimhen ang koponan matapos niyang makatatlong goals sa kanilang unang dalawang laro sa Europa League.

Hindi naman makakalaro sina Kostas Manolas, Kevin Malcuit at Adam Ounas dahil sa injury.

Dalawang beses tinalo ng Napoli ang Legia Warsaw sa 2015 Europa League sa huling pagkikita ng dalawang panig.