Barcelona vs Sevilla Tips - Catalans muling magwawagi

Tinalo ng Catalans ang Valencia (4-1), Athletic Bilbao (4-0), Elche (2-1), Osasuna (4-0) at Real Madrid (4-0) para manatiling nasa ikatlong pwesto sa liga na may 54 puntos mula sa 28 laro.

Nakadalawang goal si Pierre-Emerick Aubameyang laban sa Real Madrid habang nagdagdag ng tag-iisa sina Ronald Araujo at Ferran Torres.

May pitong goal na si Aubameyang sa pitong laro para sa Barcelona sa La Liga simula noong lumipat siya galing sa Arsenal. Makakatambal niya sina Torres, Ousmane Dembele at Memphis Depay sa pangunguna sa pag-atake ng Catalans.

Hindi rin natalo ang Barcelona sa kanilang huling 12 laro sa lahat ng mga kompetisyon. 

Walang talo ang Sevilla sa kanilang huling 15 laban sa La Liga ngunit nagtala lamang sila ng mga draw kontra Alaves (0-0), Rayo Vallecano (1-1) at Real Sociedad (0-0) sa kanilang nakaraang tatlong laban.

Nananatiling nasa ikalawang pwesto ang panig ni Julen Lopetegui na may 57 puntos mula sa 28 laro. 

Nauwi sa isang 1-1 draw ang huling sagupaan ng Sevilla at Barcelona sa Estadio Ramón Sánchez Pizjuan noong Disyembre. Binigyan ng kalamangan ni Papu Gómez ang Sevilla sa ika-32 minuto bago tinabla ni Araujo ang laro bago mag half-time.