Chelsea vs Real Madrid Tips - Draw inaasahan sa unang leg

Tinalo ng Chelsea ang Real Madrid sa semi-finals ng kompetisyong ito noong nakaraang season. Nauwi sa isang 1-1 draw ang unang leg sa Madrid bago nagtala ang Blues ng 2-0 na panalo sa Stamford Bridge para umabante sa final kung saan naman nila tinalo ang Manchester City 1-0. 

Tinalo ng Chelsea ang Lille sa Round of 16. Nagwagi ang Blues 2-0 sa unang leg sa likod ng mga goal nina Kai Havertz at Christian Pulisic. Muling nagtagumpay ang panig ni Thomas Tuchel 2-1 sa kanilang rematch sa Lille. Muling umiskor si Pulisic habang on target din si Cesar Azpilicueta.

Sinundan ng Chelsea ang panalong iyon sa isang 2-0 na tagumpay sa Middlesbrough sa FA Cup ngunit nakalasap sila ng hindi inaasahang 4-1 na kabiguan kontra Brentford sa Stamford Bridge sa Premier League noong Sabado. 

Binigyan ng kalamangan ni Antonio Rudiger ang Blues sa ika-48 minuto ngunit agad sumagot ng magkasunod na mga goal sina Vitaly Janelt at Christian Eriksen. Muling naka-goal si Janelt bago sinelyohan ni Yoane Wissa ang kanilang unang panalo sa bahay ng Chelsea simula pa noong 1939.

Dahil dito ay naputol ang six-match winning streak ng West London club sa lahat ng mga kompetisyon.

Hindi naman makakalaro si Ben Chilwell para sa Blues dahil sa injury.

Pinatalsik naman ng Real Madrid ang Paris Saint-Germain sa last 16. Natalo ang Los Blancos 1-0 sa unang leg sa Paris bago sila nakabawi sa return leg kung saan nagtala sila ng 3-1 na tagumpay sa Estadio Santiago Bernabeu. Naglista ng hat-trick si Karim Benzema para pangunahan ang mga host.

Nagtala naman ng Los Blancos ng 2-1 na tagumpay sa Celta Vigo 2-1 sa La LIga noong Sabado. Nakadalawang goal si Karim Benzema para tulungan ang Real Madrid na makabawi sa kanilang 4-0 na pagkatalo kontra Barcelona.

May walong goal si Benzema sa Champions League ngayong season. 

Hindi naman magagamit ni Real Madrid boss Carlo Ancelotti sina Luka Jovic at Eden Hazard dahil sa injury.