Manchester City vs Atletico Madrid Tips - Citizens magwawagi

Ito ang unang pagkikita ng dalawang panig sa kasaysayan.

Umabante ang Man City sa quarter-finals matapos nilang talunin ang Sporting Lisbon sa Round of 16. Nagtala ng 5-0 na tagumpay ang Citizens sa Lisbon sa unang leg. Dalawang beses umiskor si Bernardo Silva habang nagdagdag naman ng tag-iisang goal sina Riyad Mahrez, Phil Foden at Raheem Sterling. Nauwi naman sa isang 0-0 draw ang pangalawang leg.

Kagagaling ng Man City sa isang 2-0 na tagumpay sa Burnley sa English Premier League noong Sabado. Naging sapat na ang mga goal nina Kevin De Bruyne at Ilkay Gundogan sa first half para makuha ng Citizens ang kanilang ikalawang sunod na panalo sa lahat ng mga kompetisyon. Hindi rin natalo ang panig ni Pep Guardiola sa kanilang huling pitong laro. 

Si Mahrez ang nangungunang scorer ng Man City sa Champions League na may anim na goal. 

Tinalo naman ng Atletico ang Manchester United noong nakaraang round. Nagresulta sa isang 1-1 draw ang unang leg na ginawa sa Wanda Metropolitano. Binigyan ng maagang kalamangan ni Joao Felix ang Atletico bago tinabla ni Anthony Elanga sa ika-80 minuto.

Nanalo naman ang Atletico 1-0 sa pangalawang leg para umabante sa quarter-finals. Ang goal ni Renan Lodi sa ika-41 minuto ang nagbigay ng panalo para sa Spanish club sa Old Trafford.

Kagagaling ng Atletico sa isang 4-1 na tagumpay kontra Alaves sa La Liga. Kapwa nakadalawang goal sina Felix at Luis Suarez para pangunahan ang Colchoneros sa kanilang ika-anim na sunod na panalo sa lahat ng mga kompetisyon. Hindi rin natalo ang panig ni Diego Simeone sa kanilang huling walong laro.

Muling pangungunahan nina Felix, Suarez at Antoine Griezmann ang Atleti sa kanilang muling pagbisita sa Manchester. Hindi naman magtatampok si Hector Herrera dahil sa injury.