Real Madrid vs Manchester City Tips - Citizens mananalo sa Madrid

Nagresulta sa isang 4-3 na panalo para sa Man City ang unang leg na ginanap sa Etihad Stadium noong nakaraang linggo. 

Nakakuha ng maagang kalamangan ang Citizens matapos maka-goal nina Kevin De Bruyne at Gabriel Jesus 11 minuto pa lang ang nakalipias sa laro. Tinapyas ni Karim Benzema ang kalamangan ng Man City bago mag half-time ngunit muling binigyan ni Phil Foden ng two-goal lead ang Citizens matapos niyang magbuslo ng header sa iika-53 minuto. Kaagad rumisponde si Vinicius Junior para sa Los Blancos. 

Muling naka-goal ang Man City sa ika-74 minuto mula kay Bernardo Silva bago nakuha ni Benzema ang kanyang pangalawang goal walong minuto bago matapos ang laro. 

Ito ang ikatlong sunod na panalo ng Man City kontra Real Madrid. 

Pinalawig naman ng panig ni Pep Guardiola ang kanilang winning streak sa lahat ng kompetisyon sa apat na laro matapos nilang magtala ng 4-0 na panalo sa Leeds United sa English Premier League noong Sabado. Naka-goal para sa Citizens sina Rodri, Nathan Ake, Gabriel Jesus at Fernandinho.

Kagagaling naman ng Real Madrid sa isang 4-0 na tagumpay kontra Espanyol sa La Liga noong Sabado para selyohan ang kanilang ika-35 kampeonato. 

Nagtala ng brace si Rodrygo habang nag-ambag ng tag-iisang goal sina Marco Asensio at Benzema. 

Hindi naman magagamit ni Real Madrid boss Carlo Ancelotti sina David Alaba at Gareth Bale sa larong ito dahil sa injury.