Salzburg vs Sevilla Tips - Asahan ang isang draw

Kasalukuyang nasa ikalawang pwesto ang Salzburg na may pitong puntos habang nasa ikatlong pwesto ang Sevilla na may anim na puntos. Nangunguna ang Lille na may walong puntos habang nasa huli ang Wolfsburg na may limang puntos. Lahat ng apat na koponan ay may pag-asa na maka-abante sa last 16 ng kompetisyon. 

Nagresulta sa isang 1-1 draw ang unang laban ng Salzburg at Sevilla noong Setyembre kung saan nagpalitan ng mga penalty sina Luka Sucic at Ivan Rakitic.

Nakalasap ang Salzburg ng magkasunod na pagkatalo sa Wolfsburg (2-1) at Lille (1-0) sa kanilang huling dalawang laro sa Champions League. 

Kagagaling naman ng panig ni Matthias Jaissle sa isang 2-1 na panalo kontra sa Hartberg sa Austrian Bundesliga.

Mahaba ang injury list ng Salzburg at ilan sa mga hindi makakalaro dito ay sina Noah Okafor, Albert Vallci, Bernardo, Maximilian Wöber, Zlatko Junuzovic, Sekou Koita at Bryan Okoh.

Tinalo naman ng Sevilla ang Wolfsburg 2-0 sa kanilang huling laro sa Champions League sa likod ng mga goal nina Joan Jordan at Rafa Mir.

Natalo ang Sevilla sa Real Madrid 2-1 sa kanilang sumunod na laro sa La Liga ngunit bumawi sila laban sa Cordoba (1-0) sa Copa del Rey at Villarreal (1-0) sa domestic league.

May mga injury sina Erik Lamela, Suso, Jesús Navas at Youssef En-Nesyri para sa Sevilla.